News Update :

Follow on twitter

Follow on twitter

ads

ads
<>தற்போது கிடைத்த செய்திகள்>>

sponsored:

sponsored:
Government Job Vacancies, Free Application Form, Private Job Free Application, Courses & Examination

FollowNewsstr SEND 40404

உங்கள் செய்திகளையும் எமக்கெனுப்ப : info@sammanthurai.net

Follow US

Follow US

ads

ads

எமது செய்திகளை கைத்தொலைபேசி மூலம் பெற

Moto GP News

விளையாட்டு

Showing posts with label சம்மாந்துறை செய்திகள். Show all posts
Showing posts with label சம்மாந்துறை செய்திகள். Show all posts

சவுன்ட் இஸ்ஸதீன் மறைவு கலைத்துறைக்கும் ஒலிபரப்புத்துறைக்கும் பேரிழப்பாகும்.


சம்மாந்துறையைச் சேர்ந்த சவுன்ட் இஸ்ஸதீன், ஸ்பீக்கர் இஸ்ஸடீன் என எல்லோராலும் செல்லமாக அழைக்கப்படும்
இஸ்ஸதீன் இன்று 23.02.2017 காலமானார்.

மறைந்த சகோதரர் சம்மாந்துறையில் நான் கண்ட தன்நம்பிக்கையின் சின்னம், தான் வலது குறைந்தவர் என்ற தாழ்வு மனப்பான்மை இன்றி மனம் தாழாது தனது சொந்தக் காலில் யாரிடம் கையேந்தாது உழைத்து வாழ்ந்த உண்மையான மனிதர்.

சம்மாந்துறையில் கலை நிகழ்ச்சிகள்   நடந்தாலும் இவரது ஸ்பீக்கர் செட்டுதான் ஒலிக்கும்.   தொழிலில் சிறப்பு மிக்கவராகவும் பாடல் மற்றும் நடிப்பு கலந்த நகைச்சுவையாளரவாகவே  இஸ்ஸடீன் தன்னை அடையாளப்படுத்தியிருந்தார்.


 

கால்-கைகள் நன்றாக இருக்கும் சிலர் கூட பிறரை நம்பி உண்டு வாழ்கிறார்கள் சகோதரர் இஸ்ஸடீன் இவர்களை விடவும் எவ்வளவோ மேல் தனது சொந்தக் காலில் தனக்கென்று ஒரு தொழிலை ஆரம்பித்து உழைத்து உண்டு வாழ்ந்தவர், நல்ல புத்திசாலி.
அன்னாரின் கப்ர் வாழ்வு, மறுமை வாழ்வுக்காக இறைவனிடம் பிரார்த்திப்போம்.

ஆமீன்.
மக்கள் நண்பன்.

சாதனையாளர்களின் பொதுவான பண்புகள்

பல்வேறுபட்ட சமூகசேவைப் பணிகளை மேற்கொள்ளும் RFA அமைப்பு “சாதனையாளர்களின் பொதுவான பண்புகள்” எனும் கருத்தரங்கு ஒன்றை ஏற்பாடு செய்துள்ளது.

மேற்படி கருத்தரங்கின் வளவாளராக,  சர்வதேச ரீதியாக தனிநபர் முன்னேற்ற செயலமர்வு பாடநெறியை (Personal Development) நடாத்தி வருகின்ற விரிவுரையாளர் ஸமான் முஸ்தபா (Barrister at Law, LLB, LLM - Buckingham - UK Life Coach, Public speaker and NLP Practitioner) அவர்கள் கலந்து கொள்ள உள்ளார். இக்கருத்தரங்கு,  சம்மாந்துறை அப்துல் மஜீத் மண்டபவத்தில் 13.12.2015 பகல் 2pm மணியளவில் நடைபெற உள்ளது. தனியார்துறை ஊழியர்கள், பல்கலைக்கழக மாணவர்கள், க.பொ.உயர்தர மாணவர்கள், பாடசாலை கல்வியை முடித்தோர், தொழிலை எதிர்பார்த்து இருப்போருக்காக மேற்படி கருத்தரங்கு ஏற்பாடு செய்யப்பட்டுள்ளது.

FODE அமைப்பின் கல்விப்புரட்சி

சம்மந்துறையில்  இயங்கி வரும் சமூக சேவை அமைப்பான FODE ( Forum for Development)  சம்மந்துறையின் கல்வியில் பாரிய கல்விப்புரட்சியினை உண்டுபண்ணும் நோக்கத்துடன் ஓர் திட்டத்தினை வழிநடாத்தி வருகின்றமை எடுகோலாக கொண்டுள்ளது.

WWW.SAMMANTHURAI.NET
கடந்த சாதாரண தர பரீட்சை முடிவுகள் வெளியான போது அனைத்து இணையத்தளங்களும் பிரசுரித்த செய்தி தேசிய பாடசாலையில் வரலாறு காணாதளவு 9A க்களும், 8A க்களும் இம்முறை பெறப்பட்டுள்ளன எனவே சம்மந்துறையின் கல்விமட்டம் பாரிய வளர்ச்சியடைந்துள்ளது என்பதாகும்மிகவும் மகிழ்ச்சிகரமான ஒரு செய்திதான் ஆனால் அவர்கள் அதே சம்மாந்துறையில் உள்ள பல பாடசாலைகளின் அடைவு மட்டத்தினை ஆராய மறந்துவிட்டார்கள்ஏனென்றால் அவர்களின் கல்விமட்டத்தில் பெரிதும் அக்கரை பலருக்கு இல்லை என்பதே கசப்பான உண்மையாகும்.

இதனை கவனத்திட்கொண்ட இவ்வமைப்பானது தமக்கான ஓர் திட்டத்தினை வழிவகுத்தது. மாணவர்களின் அடைவுமட்டம் பின்தங்கிய (ஒப்பீட்டு ரீதியில்) பாடசாலை ஒன்றில் சுமார் எட்டு தொடக்கம் பத்து வரையான மாத இடைவெளிக்கு தொடர்ந்து மாணவர்களை நெறிப்படுத்தல், கருத்தரங்கு நடாத்தல் மேலும் வாரம் ஒருமுறை அடைவுமட்ட பரீட்சை நடாத்தல் என்பதாகும்இதற்காக அவர்கள் செலவிட முடிவு செய்த தொகை 50000 ரூபாய் ஆகும்இதனை எமதூரின் பல புத்திஜீவிகளிடமிருந்தும் தனது சொந்த பணத்திலும் இருந்து பெற முடிவு செய்துள்ளனர்.


முதற்கட்டமாக  சம்மாந்துறை சென்னால் சாஹிரா கல்லூரியை தேர்வு செய்து கணித பாடத்தை ஆரம்பித்தனர்கடந்த நாட்களில் இதற்காக பல்வேறு ஆலோசனை கருத்தரங்குகள் இடம்பெற்று பெற்றோர்களிடம் கருத்துக்களை பெற்றனர்





எதிர்க்கட்சித் தலைவர் பதவிக்கு தமிழ்த் தேசியக்கூட்டமைப்பின் தலைவர் இரா. சம்பந்தன் தெரிவுசெய்யப்பட வேண்டும்.

(அன்சார்)
நாடாளுமன்றத்தில் எதிர்க்கட்சித் தலைவர் பதவிக்கு தமிழ்த் தேசியக்கூட்டமைப்பின் தலைவர் இரா. சம்பந்தன் தெரிவுசெய்யப்பட வேண்டும். இதுவே நாடாளுமன்ற மரபாகும். என சம்மாந்துறை பிரதேச சபையின் எதிர்க்கட்சித் தலைவரும்,  ஸ்ரீலங்கா முஸ்லிம் காங்கிரஸின் உயர்பீட உறுப்பினரும்,சிரேஷ்ட சட்டத்தரணியுமான எஸ்.எம்.முகம்மட் முஸ்தபா தெரிவித்தார்.
www.sammanthurai.net


அம்பாறை மாவட்ட கரும்புச் செய்கையாளர்கள் எதிர்நோக்கும் பிரச்சினைகள் சம்பந்தமாக கலந்துரையாடல் 05/04/2015 சம்மாந்துறை அல்- மர்ஜான் மகளிர் கல்லுாரிக்கு அருகாமையில் இடம்பெற்றது. இதில் கலந்து கொண்டு சமகால அரசியல் நிலவரம் சம்பந்தமாக விவசாயிகளுக்கு விளக்கமளிக்கும் போதே அவர் இவ்வாறு தெரிவித்தார்.

அவர் அங்கு தொடர்ந்தும் உரையாற்றுகையிலே- நாட்டில் ஆளும்கட்சி மற்றும எதிர்க்கட்சி ஒன்றிணைந்து தேசிய அரசாங்கத்தை அமைத்திருப்பதால் அரசாங்கம் மற்றும் எதிர்க்கட்சியென இரண்டு தரப்புக்களும் ஒன்றாக இருக்க முடியாது. நாடாளுமன்ற்தில் எதிர்க்கட்சியினை நியமிக்க வேண்டியது அவசியமாகும். அந்த வகையில் நாடாளுமன்ற விதிப்படி தமிழ்த் தேசியக்கூட்டமைப்பின் பாராளுமன்றக்குழுத் தலைவர் இரா. சம்பந்தனுக்கே எதிர்க்கட்சி தலைவர் பதவி வழங்க வேண்டும். 
அதுதான் நாடாளுமன்றத்தின் மரபாகும்.
நாடாளுமன்றத்தில் தற்போது 13 நாடாளுமன்ற உறுப்பினர்கள் உள்ளதோடு, மூன்றாவது பெரும்பான்மை பெற்ற தமிழ்த் தேசியக் கூட்டமைப்பின் தலைவர் இரா. சம்பந்தனை எதிர்க்கட்சித் தலைவராக நியமிப்பதன் மூலம் சிறுபான்மை தமிழ்மக்கள் மத்தியில் ஒரு நம்பிக்கையையும் ஏற்படுத்த முடியும். என்றார்.

இங்கு கலந்து கொண்ட விவசாயிகள் தங்கள் காணிகளில் தொடர்ந்தும் கரும்புச் செய்கையினை செய்வதன் மூலம் பாரிய நஷ்டங்களை எதிர்கொண்டு வருவதாகவும், இதனால் தங்களின் வாழ்வாதாரம் பாதிக்கப்படுவதாகவும் தங்களின் காணிகளில் மீண்டும் நெற்செய்கையினை மேற்கொள்ள வேண்டும் அல்லது மாற்று வழிகளை ஏற்படுத்த வேண்டும். என தெரிவிக்கப்பட்டது. இது சம்பந்தமாக சம்பந்தப்பட்ட பெருந்தோட்டக் கைத்தொழில் அமைச்சரை குழுவினர் எதிர்வரும் புதன்கிழமை சந்தித்து அதற்கான தீர்வினை பெற்றுத்தருவதாக சம்மாந்துறை பிரதேச சபையின் எதிர்க்கட்சித் தலைவர் எஸ்.எம்.எம். முஸ்தபா தெரிவித்தர்.

டெங்கு ஒழிப்பு சிரமதான வாரத்தை ஆரம்பித்து வைக்கும் நிகழ்வு

 ( ஏ.எல்.ஏ.றபீக் பிர்தௌஸ் )
ரசின் 100 நாள் வேலைத் திட்டத்தின் கீழ் “டெங்கு ஒழிப்பு சிரமதான வாரத்தை ஆரம்பித்து வைக்கும் நிகழ்வு” 23.03.2015 சம்மாந்துறை பிரதேச செயலகத்தின் ஏற்பாட்டில், சம்மாந்துறை கல்லரச்சல் பிரதேசத்தில் இடம் பெற்றது.




சம்மாந்துறைப் பிரதேச செயலாளர் ஏ.மன்சூர் தலைமையில் இடம் பெற்ற இந்நிகழ்வில் மாகாண சுகாதார அமைச்சர் எம்.ஐ.எம்.மன்சூர் பிரதம அதிதியாகக் கலந்து கொண்டு, சிரமதானத்தை ஆரம்பித்து வைத்தார்.

சம்மாந்துறைப் பிரதேச செயலகத்திற்குட்பட்ட கிராமிய அபிவிருத்திச் சங்கங்கள், மாதர் கிராமிய அபிவிருத்திச் சங்கங்களின் ஒத்துழைப்புடன் இடம்பெற்ற இந்நிகழ்வில் கிழக்கு மாகாண சுகாதார அமைச்சின் செயலாளர் கே.கருணாகரன், உதவிச் செயலாளர் ஏ.ஹுசைன்தீன், கிழக்கு மாகாண சுகாதார சேவைகள் பணிப்பாளர் கே.முருகானந்தன், அம்பாரை மாவட்ட கிராமிய அபிவிருத்திப் பணிப்பாளர் கே.அருண்தவராஜா, அம்பாரை மாவட்ட கிராமிய அபிவிருத்தி உத்தியோகத்தர் எச்.கலிலுர்றகுமான் உள்ளிட்ட உயர் அதிகாரிகள் பலரும் கலந்து கொண்டனர்.

மாகாண அமைச்சர் மன்சூர் அவர்களினால் ஆரம்பித்து வைக்கப்பட்ட இச்சிரமதான நிகழ்வில் அதிகளவிலான பெண்கள் கலந்து கொண்டு செயற்பட்டதைக் காணக் கூடியதாக இருந்தது.

நாமெல்லாம் சுகாதாரமாக இருக்கவேண்டும் என்பதற்காக இன்று அரசாங்கம் பல வழிகளில் நிதிகளை ஒதுக்கி, பல திட்டங்களை வகுத்துச் செயற்பட்டாலும், நாம் அந்த விடயங்களில் அக்கரை கொள்ளாத வரையில் எந்தப் பிரயோசனமும் இல்லை. பிள்ளைகளுக்குப் பாடசாலை இலவசம்!, உணவு இலவசம்! சீருடை இலவசம்! கற்பிக்கின்ற ஆசிரியருக்கு அரசாங்கம் சம்பளம் வழங்குகின்றது என்றாலும், பாடசாலைக்குப் பிள்ளையை யார் அனுப்புவது? நாங்கள் தான் அனுப்ப வேண்டும். அது இல்லாமல் அரசாங்கம் வீடு தேடி வந்து ஒவ்வொரு பிள்ளையையும் பாடசாலைக்கு அழைத்துச் செல்ல முடியாது. எனவே நமக்காக அரசு என்னதான் செய்தாலும், அதன் பயனை, அதன் நோக்கத்தை நாம் உணர்ந்து செயற்படாத வரையில் எந்தப் பிரயோசனமும் கிடைக்கப் போவதில்லை” என அமைச்சர் தெரிவித்தார். 

புலமைப்பரிசில் பரீட்சையில் சம்மாந்துறை வலயத்தில் 81மாணவர்கள் சித்தி.

சம்மாந்துறை வலயத்தில் 81மாணவர்கள் தரம் 5 புலமைப்பரிசில் பரீட்சையில் சித்தி பெற்றிருப்பதாக சம்மாந்துறை வலயக்கல்விப் பணிப்பாளர் எம்.கே.எம்.மன்சூர் தெரிவித்தார்.மிகவும் பின் தங்கிய நலிவான இறக்காமம், நாவிதன்வெளி கோட்டங்களை உள்ளடக்கிய சம்மாந்துறை வலயத்தில் அதிகூடிய 184 புள்ளியை சம்மாந்துறை தாறுல் உலும் மாணவன் முப்தி அகமட் பெற்றுள்ளான். சம்மாந்துறைக் கோட்டத்தில் 62 மாணவர்களும், இறக்காமம் கோட்டத்தில் 11 மாணவர்களும், நாவிதன்வெளிக் கோட்டத்தில் 08மாணவர்களும் சித்தி பெற்றுள்ளனர்.

வலயத்தில் சம்மாந்துறைக் கோட்டத்தைச் சேர்ந்த சம்மாந்துறை தாறுல்உலும் வித்தியாலய மாணவன் எம்.ஏ.முப்தி அகமட் 184புள்ளியை பெற்று வலயத்தில் முதலிடத்தில் திகழ்கிறார்.

சம்மாந்துறைக் கோட்டத்தில் முஸ்லிம் மகளிர் வித்தியாலயத்தில் 19மாணவர்களும், சம்மாந்துறை முஸ்லிம் தேசிய பாடசாலையில் 13மாணவர்களும்,தாறுல் உலும் வித்தியாலயத்தில் 07மாணவர்களும் சித்தி பெற்றுள்ளனர்.

சித்தி பெற்ற மாணவர்களை வலயக்கல்விப்பணிப்பாளர் மன்சூர் பாராட்டியதுடன் கற்பித்த ஆசிரியர்,பெற்றோர்களுக்கும் வாழ்த்தியுள்ளார்.

வினோதம்

Comments

அறிவியல்

தொழில்நுட்பம்

 

© Copyright Sammanthurai News 2015| Design by | Published by www.sammanthurai.net | .