News Update :

Follow on twitter

Follow on twitter

ads

ads
<>தற்போது கிடைத்த செய்திகள்>>

எதிர்வருகின்ற பொதுத் தேர்தலில் ஐக்கிய தேசியக் கட்சியின் வெற்றி ஊர்ஜிதம் செய்யப்பட்டுள்ளது;எம்.ஏ. ஹஸன் அலி.

நேர்காணல்-
எம்.சிஅன்சார்

19ஆவது திருத்தச்சட்டம் பாராளுமன்றத்தில் நிறைவேற்றப்பட்டதும் பாராளுமன்றம் கலைக்கப்படவுள்ளது. பின்னர் நடைபெறவுள்ள பொதுத் தேர்தலில் ஐக்கிய தேசியக்கட்சி 125 ற்கும் மேற்பட்ட ஆசனங்களை பெற்று ரணில் விக்கிரமசிங்க தலைமையில் பலம் வாய்ந்த அரசாங்க மொன்றை அமைக்கவுள்ளதுடன், அனைவரையும் இணைந்துக்கொண்டு தேசிய அரசாங்கமொன்றையும் அமைக்கும். என ஐக்கிய தேசியக் கட்சியின் சம்மாந்துறைத் தொகுதியின் பிரதான அமைப்பாளர் எம்.. ஹஸன் அலி தினகரன் பத்திரிகைக்கு வழங்கிய செவ்வியிலே தெரிவித்தார். அவரது செவ்வி முழுமையாக தரப்பட்டுள்ளது.
கேள்விஉங்களது அரசியல் பிரவேசம் பற்றி சுருக்கமாக கூறுவீர்களா?
பதில்மறைந்த தலைவர் சேர் றாசீக் பரீட் அவர்களின் மூலமாக 1981ஆம் ஆண்டு ஐக்கிய தேசியக் கட்சியில் இணைந்தேன். கவுன்ஸ் ஒப் முஸ்லிம் அமைப்பின் நிறைவேற்று உறுப்பினராகவும், பின்னர் ஐக்கிய தேசியக்கட்சியின் தேசிய நிறைவேற்றுக்குழுவின் முன்னாள் உறுப்பினராகவும், ஐக்கிய தேசியக் கட்சியின் தொழிற்சார் நிபுணர்குழுவின் உபதலைவராகவும், 2004ஆம் பொதுத்தேர்தலில் தேசியப்பட்டியலில் இடம்பெற்றேன். அதன் பின்னர் 2009ஆம் தொடக்கம் இன்று வரை சம்மாந்துறைத் தொகுதியின் பிரதான அமைப்பாளராகவும், 2010 ஆண்டு நடைபெற்ற பொதுத்தேர்தலிலும், 2012 ஆண்டு நடைபெற்ற கிழக்கு மாகாண சபைத் தேர்தலிலும் போட்டியிட்டேன்.

கேள்விதற்போது உருவாக்கப்பட்டுள்ள தேசிய அரசாங்கமானது நாட்டில் நல்லாட்சியினை ஏற்படுத்த வழிவகுக்குமா?
பதில்- இலங்கையின் அசியல் வரலாற்றில் 1965ஆம் ஆண்டிற்குப் பின்னர் பிரதான கட்சிகளான ஐக்கிய தேசியக்கட்சி மற்றும் ஸ்ரீலங்கா சுதந்திரக் கட்சி ஆகிய இரண்டு கட்சிகளையும் உள்ளடக்கியதாக இன்னும் பல கட்சிகளின் ஒத்துழைப்புடன் தேசிய அரசாங்கம் ஒன்று அமைக்கப்பட்டுள்ளமையானது. எதிர்காலத்தில் எமது நாட்டில் நல்லாட்சியைக் கட்டியெழுப்ப உதவும்.
புதிய அரசாங்கத்தின் 100 நாள் வேலைத்திட்டத்தின் மிக முக்கியமான விடயம்தான் அரசியலமைப்பின் 19ஆவது திருத்தச்சட்டத்தை நிறைவேற்றுவதாகும். இத்திருத்தச்சட்டத்தை மாற்றியமைப்பதற்காகவும், அனைவரும் சேர்ந்து நாட்டை புதிதோர் பாதையில் இட்டுச் செல்வதற்காகவும் தேசிய அரசாங்கம் உருவாக்கப்பட்டுள்ளது.
அரசியலமைப்பின் 19ஆவது திருத்தச்சட்டத்தை மாற்றுவதற்கு பாராளுமன்றத்தில் மூன்றிலிரண்டு பெரும்பான்மை வாக்குகள் அவசியமாகும். இதனை தேசிய அரசாங்கம் ஒன்றின் மூலமே இதனை செய்யமுடியும். இதற்கு பொருத்தமான காலகட்டம் இதுவாகும். ஸ்ரீலங்கா சுதந்திரக்கட்சியின் தலைவராக இருக்கின்ற ஜனாதிபதி மைத்திரிபால சிறிசேவும், ஐக்கிய தேசியக் கட்சியின் தலைவராக இருக்கின்ற பிரதமர் ரணில் விக்கிரமசிங்கவும் இணைந்தே இந்த ஆட்சியை ஏற்படுத்தினர். இவ்வாறாக கூட்டு மூலம் தான் அரசியலமைப்புச் சட்டத்தை மாற்றமுடியும்.
எப்பாடுபட்டாலும் 19ஆவது திருத்தச்சட்டம் நிறைவேற்றப்படுமானால் நாட்டுக்குப் பல நன்மைகள் கிடைக்கவுள்ளன. நாட்டில் எதிர்காலத்தில் நல்லாட்சியைக் கட்டியெழுப்ப முடியும். அதற்காக அனைத்த கட்சியினரும் ஒத்துழைக்க வேண்டும்
.
கேள்வி- நிறைவேற்று அதிகாரங்களை பிரதமர் ரணில் விக்கிரசிங்கவுக்கு வழங்குவதற்கான சதி முயற்சியே 19ஆவது திருத்தச்சட்டமாகும். என ஜாதிக ஹெல உறுமய குற்றம்சாட்டியுள்ளது பற்றிய கூறுங்கள்.
பதில்- புதிய அரசாங்கத்தின் 100 நாள் வேலைத்திட்டத்தின் மிக முக்கியமான விடயம்தான் நிறைவேற்று அதிகாரமிக்க ஜனாதிபதி முறைமையை இல்லாதொழிக்கும் அரசியலமைப்பின் 19ஆவது திருத்தச்சட்டமாகும்.
இத்திருத்தச்சட்டம் பாராளுமன்றத்தில் சமர்ப்பிக்கப்பட்டுள்ளது. இதற்கு எதிராக வழக்குத்தாக்கல் செய்யப்பட்டு நீதிமன்றத்திஇத்திருத்தச்சட்டம் பாராளுமன்றத்தில் சமர்ப்பிக்கப்பட்டுள்ளது. இதற்கு எதிராக வழக்குத்தாக்கல் செய்யப்பட்டு நீதிமன்றத்தி்ல் விசாரணைகள் இடம்பெறுகின்றன. மைத்திரிபால சிறிசேனவை ஜனாதிபதியாக்குவதற்கானஅனைத்து கட்சிகளும் இந்த 19ஆவது திருத்தச்சட்டத்தை ஆதரித்தபோதிலும் ஜாதிக ஹெல உறுமய கட்சி மாத்திரம் இதை எதிர்க்கின்றது.
ஜாதிக ஹெல உறுமய உள்ளிட்ட 19ஆவது திருத்தச்சட்டத்தை எதி்க்கும் தரப்பினர் சொல்லும் காரணம் இச்சட்டமூலம் பிரதமர் ரணில; விக்கிரசிங்கவுக்கு நிறைவேற்று அதிகாரத்தைக் கொடுக்கக்கூடியது என்பதுதான்.
1978ஆம் ஆண்டு அப்போதைய ஜனாதிபதி ஜே.ஆர்.ஜெயவர்த்தனவினால் கொண்டுவரப்பட்ட நிறைவேற்று அதிகாரமிக்க இந்த ஜனாபதிபதி முறைமையை அப்போதிருந்தே விமர்சனங்களையும், எதிர்ப்புக்களையும் எதிர்கொண்டு வருகின்றது.
ஜே.ஆர்.ஜயவர்த்தனவுக்கு பிறகு பதவிக்கு வந்த சந்திரிக்கா, மஹிந்த ராஜபக்ஷ ஜனாதிபதிகளும் நிறைவேற்று அதிகாரமிக்க ஜனாதிபதிமுறைமையை இல்லாதொழிப்பாக வாக்குறுதி வழங்கியே ஆட்சிக்கு வந்தனர். ஆனால் நிறைவேற்று அதிகாரமிக்க ஜனாதிபதி முறைமையில் இருக்கின்ற அதிகாரங்களை முழுமையாக அனுபவிக்கவே அத்தனை ஜனாதிபதிகளும் விரும்பினர்கள்.
கடந்த ஜனாதிபதிகள் நிறைவேற்றத் தவறிய வாக்குறுதிகளை ஜனாதிபதி மைத்திரிபால சிறிசேன நிறைவேற்றியுள்ளார். அதன் முதற்கட்டமாக அதற்கான சட்டமூலம் பாராளுமன்றத்திற்கு கொண்டுவரப்பட்டுள்ளது. அது பிரதமருக்கு நிறைவேற்று அதிகாரத்தைக் கொடுக்கின்றது. என்று கூறப்பட்டு எதிர்ப்புக்கள் முன்வைக்கப்படுகின்றது.
எதிர்வரும் பொதுத்தேர்தலில் ஐககிய தேசியக் கட்சி வெற்றி பெற்றால் ரணில் விக்கிரமசிங்கவின் கைகளுக்கு ஆட்சி அதிகாரம் சென்றுவிடும் என்ற அச்சத்தினாலேயே மேற்படி குற்றச்சாட்டுக்கள் சுமர்த்தப்படுகிறது. எது எப்படி இருப்பினும் ஒரு தனிமனிதனிடம் அதிகாரம் முடங்கிக்கிடப்பதைவிட பாராளுமன்றத்தில் அந்த அதிகாரம் இருப்பது ஜனநாயகமாக அமையும். அவ்வாறு பாராளுமன்றத்தில் அதிகாரம் இருக்கும் பட்சத்தில் அப்போது பிரதராக இருப்பவர் அதிகாரமிக்கவராகவே இருப்பார். இதில் தவறு எதுவும் கிடையாது. அவர் ரணில் விக்கரசிங்கவும் இருக்கலாம், சுதந்திரக்கட்சியை சேர்ந்த நிமால் சிறிபால டி சில்வாவாகவும இருக்கலாம் அல்லது வேறு எந்தக்கட்சியை சேர்ந்தவாராகவும் இருக்கலாம். இதனை ஜாதிக ஹெல உறுமய கட்சியினர் விளங்கிக்கொள்ள வேண்டும்.

கேள்வி- விகிதாசாரம் மற்றும் கலப்புத் தேர்தல் முறை உள்ளடக்கிய புதிய தேர்தல் முறை சிறுபான்மையினரின் பிரதிநிதித்துவம் பாதிக்கக்கப்படுமா?
பதில்புதிய தேர்தல் முறையானது சிறுபான்மை இனமக்களுக்கு சாதகமாக அமையாது. தற்போதைய விகிதாசார தேர்தல் முறையிலுள்ள விருப்பு வாக்குமுறைமை மாற்றப்பட வேண்டும். என்பதில் சிறுபான்மை கட்சிகள் உட்பட அனைத்து கட்சிகளும் உறுதியாக உள்ளன. ஆனால், புதிய தேர்தல் முறையினால் தமது பிரதிநிதித்துவம் குறைந்துவிடக் கூடாது என்பதுதான் அவர்களின் எதிர்பார்ப்பாகும்.

புதிய தேர்தல் முறையின் கீழ் பாராளுமன்ற உறுப்பினர்களின் எண்ணிக்கை 250 ஆக அதிகரிக்கப்படவிருப்பதாகவும், இதில் 140பேர் தொகுதிவாரியாகவும், 80பேர் மாவட்ட ரீதியாக கட்சிகளுக்கு கிடைக்கும் வாக்குகளின் அடிப்படையிலும், 30பேர் நியமன உறுப்பினர்களாகவும் நியமிக்கப்படவுள்ளதாக தெரிவிக்கப்படுகின்றது.

எமது நாட்டைப் பொறுத்தவரையில் வடக்கு கிழக்குக்கு வெளியே தமிழ், முஸ்லிம் மக்கள் செறிந்து வாழ்வது குறைவாகவே காணப்படுகின்றது. இதனால் தொகுதிவாரியாக தேர்தல் நடாத்தப்பட்டால் வடக்கு கிழக்குக்கு வெளியேயுள்ள சிறுபான்மையினரின் பிரதிநிதித்துவம் பாதிக்கப்படும். இது பாதிக்கப்படா வகையில் தேர்தல் முறையில் திருத்தங்கள் செய்ய வேண்டும்.

கேள்விஎதிர்வருகின்ற பொதுத் தேர்தலில் ஐக்கிய தேசியக் கட்சி பெரும்பான்மை பெருமா?
பதில்- நிச்சயமாக ஐக்கிய தேசியக் கட்சியின் வெற்றி ஊர்ஜிதம் செய்யப்பட்டுள்ளது. 19ஆவது திருத்தச்சட்டம் பாராளுமன்றத்தில் நிறைவேற்றப்பட்டதும் பாராளுமன்றம் கலைக்கப்படவுள்ளது. பின்னர் நடைபெறவுள்ள பொதுத் தேர்தலில் ஐக்கிய தேசியக்கட்சி 125 ற்கும் மேற்பட்ட ஆசனங்களை பெற்று ரணில் விக்கிரமசிங்க தலைமையில் பலம் வாய்ந்த அரசாங்க மொன்றை அமைக்கவுள்ளதுடன், அனைவரையும் இணைந்துக்கொண்டு தேசிய அரசாங்கமொன்றையும் அமைக்கும்.

கேள்விஎதிர்வருகின்ற பொதுத்தேர்தலில் ஸ்ரீலங்கா முஸ்லிம் காங்கிரஸ் ஐக்கிய தேசியக் கட்சியியுடன் இணைந்தே போட்டுயிடவுள்ளதாக தெரிவிக்கப்படுகின்றது். இதுபற்றிய உங்களின் கருத்து?
பதில்இன்று முஸ்லிம் காங்கிரஸ் வடக்கு கிழக்கில் பாரியளவில் செல்வாக்கினை இழந்து காணப்படுகின்றது. இதனால் பொதுதுத்தேர்தலில் ஐக்கிய தேசியக் கட்சியுடன் இணைந்து போட்டியிட்டு தன்னை பாப்பாற்றிக் கொள்ள முயற்சிக்கின்றது. 
கடந்த தேர்தல்களில் முஸ்லிம் காங்கிரஸ் ஐக்கிய தேசியக் கட்சியின் வாக்குகளைப் பெற்று பாராளுமன்ற ஆசனங்களையும், தேசியப்பட்டியல் உறுப்பினர்களையும் பெற்றுக்கொண்டு அமைச்சர் பதவிகளுக்காகவும், சுகபோகங்களுக்காகவும் ஐக்கிய தேசியக் கட்சிக்கு துரோகமிழைத்து மஹிந்த அரசின் பங்களியானர். இதனை ஐக்கிய தேசியக் கட்சி ஆதரவாளர்கள் மறந்து விடவில்லை. முஸ்லிம் காங்கிரஸீக்கு எதிர்வருகின்ற தேர்தலில் தகுந்த பதிலடி கொடுக்கவுள்ளனர்.

கேள்விகடந்த 40 வருடங்களுக்கு மேலாக பாராளுமன்ற உறுப்பினரைத் தக்க வைத்த சம்மாந்துறைத் தொகுதி கடந்த 10 வருடங்களுக்கு மேலாக இப்பாராளுமன்ற உறுப்பினரை இழந்து நிற்கின்றது. இது பற்றிக் கூறுங்கள்.
பதில்திகாமடுல்ல மாவட்டத்தில் சம்மாந்துறைத் தொகுதியில் 81 ஆயிரம் வாக்காளர்களைக் கொண்ட பெரும் தொகுதியாகும். இவ்வாக்குகள் மூலம் இலகுவாக பாராளுமன்ற உறுபினரைத் தெரிவு செய்யலாம். ஆனால் கடந்த 2004 மற்றும் 2010 ஆண்டுகளில் நடைபெற்ற பொதுத்தேர்தல்களில் மக்களின் வாக்குகள் திட்டமிட்ட சதியினால் சிதறடிக்கப்பட்டு பிரதிநிதித்துவத்தை இழந்து நிற்கின்றது.

சம்மாந்துறை மக்கள் எவ்வாறு கட்சி வேறுபாடு இன்றி அனைவரும் ஒன்றிணைந்து மைத்திபால சிறிசேனவுக்கு ஆகக்குடுதலான வாக்குகளை அளித்ததைப் போன்று எதிர்வருகின்ற தேர்தலில் அனைவரும் ஐக்கிய தேசியக்கட்சியின் வேட்பாளரை ஆதரிப்பதன் மூலம் மட்டும்தான் பாராளுமன்ற உறுப்பினரை பெற்றுக்கொள்ளலாம்.

கேள்விஎதிர்வருகின்ற பொதுத் தேர்தலில் எவ்வாறு திகாமடுல்ல மாவட்டத்தில் ஐக்கிய தேசியக் கட்சியின் வெற்றி அமையும்?
பதில்திகாமடுல்ல மாவட்டம் எப்போதும் ஐக்கிய தேசியக் கட்சியின் கோட்டையாகும். கடந்த ஜனாதிபதித் தேர்தலில் பெற்ற வாக்குகளை விடவும் அதிகமான வாக்குகளை பெற்று ஏழு ஆசனங்களில் ஐந்து ஆசனங்களை வென்றெடுக்கும். இதற்கான வேலைத்திட்டங்களை தொகுதி மட்டத்திலும், கிராம மட்டத்திலும் முன்னெடுத்துள்ளோம்.


கேள்விஎதிர்வருகின்ற பொதுத்தேர்தலில் களமிறங்குவீர்களா?
பதில்கண்டிப்பாக களமிறங்குவேன். கடந்த 2010 ஆம் ஆண்டு நடைபெற்ற தேர்தலிலும் மக்கள் கனிசமானோர் வாக்களித்தும் என்னால் வெற்றி பெற முடியவில்லை. ஆனால் எதிர்வருகின்ற தேர்தலில் நிச்சமாக வெற்றிபெறுவேன் என்ற நம்பிக்கை உண்டு. அதற்கான வேலைத்திட்டங்களை முன்னெடுத்துள்ளேன்.






Share this Article on :

வினோதம்

Comments

 

© Copyright Sammanthurai News 2015| Design by | Published by www.sammanthurai.net | .