News Update :

Follow on twitter

Follow on twitter

ads

ads
<>தற்போது கிடைத்த செய்திகள்>>

FollowNewsstr SEND 40404

<>உங்கள் செய்திகளையும் எமக்கெனுப்ப : info@sammanthurai.net

Follow US

Follow US

ads

ads

எமது செய்திகளை கைத்தொலைபேசி மூலம் பெற

Moto GP News

விளையாட்டு

சவுன்ட் இஸ்ஸதீன் மறைவு கலைத்துறைக்கும் ஒலிபரப்புத்துறைக்கும் பேரிழப்பாகும்.


சம்மாந்துறையைச் சேர்ந்த சவுன்ட் இஸ்ஸதீன், ஸ்பீக்கர் இஸ்ஸடீன் என எல்லோராலும் செல்லமாக அழைக்கப்படும்
இஸ்ஸதீன் இன்று 23.02.2017 காலமானார்.

மறைந்த சகோதரர் சம்மாந்துறையில் நான் கண்ட தன்நம்பிக்கையின் சின்னம், தான் வலது குறைந்தவர் என்ற தாழ்வு மனப்பான்மை இன்றி மனம் தாழாது தனது சொந்தக் காலில் யாரிடம் கையேந்தாது உழைத்து வாழ்ந்த உண்மையான மனிதர்.

சம்மாந்துறையில் கலை நிகழ்ச்சிகள்   நடந்தாலும் இவரது ஸ்பீக்கர் செட்டுதான் ஒலிக்கும்.   தொழிலில் சிறப்பு மிக்கவராகவும் பாடல் மற்றும் நடிப்பு கலந்த நகைச்சுவையாளரவாகவே  இஸ்ஸடீன் தன்னை அடையாளப்படுத்தியிருந்தார்.


 

கால்-கைகள் நன்றாக இருக்கும் சிலர் கூட பிறரை நம்பி உண்டு வாழ்கிறார்கள் சகோதரர் இஸ்ஸடீன் இவர்களை விடவும் எவ்வளவோ மேல் தனது சொந்தக் காலில் தனக்கென்று ஒரு தொழிலை ஆரம்பித்து உழைத்து உண்டு வாழ்ந்தவர், நல்ல புத்திசாலி.
அன்னாரின் கப்ர் வாழ்வு, மறுமை வாழ்வுக்காக இறைவனிடம் பிரார்த்திப்போம்.

ஆமீன்.
மக்கள் நண்பன்.

ரக்பி வீரர் தாஜூதீன் கைது செய்யப்படும் காட்சி சிக்கியது

கொழும்பு: ரக்பி வீரர் வசீம் தாஜுதீனின் கொலை இடம்பெற்ற விதம் குறித்தான கண்காணிப்பு கமெரா (CCTV) காட்சிகள் பதிவாகியுள்ளதாக அமைச்சரவை பேச்சாளர் ராஜித சேனாரத்ன தெரிவித்துள்ளார்.இது குறித்தான CCTV காட்சிகளில், வசீம் தாஜுதீன் CR & FC மைதானத்தின் உணவத்திலிருந்து உணவை பெற்றுக்கொண்டு வெளியேறுவது, அதன் பின்னர் அவர் கைது செய்யப்பட்டு அழைத்துச் செல்லப்படுவது மற்றும் அடித்து துன்புறுத்தி கொலை செய்வது உள்ளிட்ட காட்சிகள் காட்சிகள் சேகரிக்கப்பட்டுள்ளதாக அவர் தெரிவித்தார்.
மேலும், இக்கொலை தொடர்பான காட்சிகளில், பணக்கார குடும்பத்தைச் சேர்ந்தவர்கள் காணப்படுவதை அவதானிக்கலாம் எனத் தெரிவித்தார்.
நேற்று (06) பேருவளை நகர சபை மைதானத்தில் இடம்பெற்ற வைபவம் ஒன்றின் பின்னர் ஊடகவியலாளர்கள் கேட்ட கேள்வி ஒன்றுக்கு பதிலளிக்கும் போதே அவர் இதனைத் தெரிவித்தார்.
குற்றப் புலனாய்வு பிரிவினர் இது குறித்தான சாட்சியங்களை நீதிமன்றில் சமர்ப்பிக்கவுள்ளதாக அவர் இதன்போது சுட்டிக்காட்டினார்.

சாதனையாளர்களின் பொதுவான பண்புகள்

பல்வேறுபட்ட சமூகசேவைப் பணிகளை மேற்கொள்ளும் RFA அமைப்பு “சாதனையாளர்களின் பொதுவான பண்புகள்” எனும் கருத்தரங்கு ஒன்றை ஏற்பாடு செய்துள்ளது.

மேற்படி கருத்தரங்கின் வளவாளராக,  சர்வதேச ரீதியாக தனிநபர் முன்னேற்ற செயலமர்வு பாடநெறியை (Personal Development) நடாத்தி வருகின்ற விரிவுரையாளர் ஸமான் முஸ்தபா (Barrister at Law, LLB, LLM - Buckingham - UK Life Coach, Public speaker and NLP Practitioner) அவர்கள் கலந்து கொள்ள உள்ளார். இக்கருத்தரங்கு,  சம்மாந்துறை அப்துல் மஜீத் மண்டபவத்தில் 13.12.2015 பகல் 2pm மணியளவில் நடைபெற உள்ளது. தனியார்துறை ஊழியர்கள், பல்கலைக்கழக மாணவர்கள், க.பொ.உயர்தர மாணவர்கள், பாடசாலை கல்வியை முடித்தோர், தொழிலை எதிர்பார்த்து இருப்போருக்காக மேற்படி கருத்தரங்கு ஏற்பாடு செய்யப்பட்டுள்ளது.

சிவில் பாதுகாப்புக் குழுக்களின் செயற்பாடுகளை மீளவும் முன்னெடுப்பதற்கான மாநாடு

 ( ஏ.எல்.ஏ.றபீக் பிர்தௌஸ் )

சம்மாந்துறை சமூகப் பொலிஸ் பிரிவின் கீழ் செயற்பட்டு வரும் 51 சிவில் பாதுகாப்புக் குழுக்களினதும் கடந்த கால செயற்பாடுகள் மீளாய்வு செய்யப்படுதலும் எதிர்கால முன்னெடுப்புக்கள் எனும் தொனிப் பொருளிலான ஆலோசனை மாநாடு அண்மையில் சம்மாந்துறை அப்துல் மஜீட் நகர மண்டபத்தில் இடம் பெற்றது.  சம்மாந்துறைப் பிரதேச செயலாளர் ஏ.மன்சூர், உதவிப்பொலிஸ் அத்தியேட்சகர் காமினி தென்னகோண், சிவில் பாதுகாப்பு மத்திய குழுத் தலைவர் ஐ.ஏ.ஜப்பார், சமூகப் பொலிஸ் பிரிவு பொறுப்பதிகாரி எஸ்.எம்.அமீர் ஆகியோர் சிவில் பாதுகாப்புக் குழுக்கள் சம்மந்தமான தகவல்களைப் பெற்றுக் கொண்டதோடு கடந்த காலங்களில் இக்குழுக்களின் செயற்பாடுகள் பற்றி மீளாய்வு செய்ததோடு, எதிர்காலத்தில் மேலும் வெற்றிகரமாக இதனைச் செயற்படுத்துவதற்கான முன்னெடுப்புக்களை மாநாட்டில் கலந்து கொண்டவர்களுடன் கலந்துரையாடி திட்டமிட்டனர்.


சம்மாந்துறைப் பொலிஸ் நிலையப் பொறுப்பதிகாரி எச்.எம்.உபுல் பியலால் தலைமையில் இடம் பெற்ற இம்மாநாட்டில்; கல்முனைப் பிராந்திய உதவிப் பொலிஸ் அத்தியேட்சகர் ரி.எம்.ஜே.காமினி தென்னகோண் பிரதம அதிதியாகக் கலந்து கொண்டார்.

இம்மாநாட்டில் பாதுகாப்பு உயரதிகாரிகள், மும்மதத் தலைவர்கள், மதவழிபாட்டு நிருவாகத்தினர், சிவில் பாதுகாப்புக் குழு உறுப்பினர்கள், கிராம சேவகர்கள், சமூக சேவையாளர்கள் எனப் பலரும் கலந்து கொண்டனர்.















விசேட ஜனாதிபதி ஆணைக்குழுவே வடபுல முஸ்லிம்களின் முழுமையான மீள்குடியேற்றத்திற்கான ஒரே தீர்வாகும்.

விசேட ஜனாதிபதி ஆணைக்குழுவே வடபுல முஸ்லிம்களின் முழுமையான மீள்குடியேற்றத்திற்கான ஒரே தீர்வாகும்.
முன்னால் பாராளுமன்ற உறுப்பினர் சட்டத்தரணி  ஹுனைஸ் பாறூக்.

(றிப்கான் கே. சமான்.)

வடபுல முஸ்லிம்களின் இழப்பீடுகள் மீள்குடியேற்றத்தில் எதிர்நோக்கும் சவால்கள் தொடர்பில் அரசியல் தலைமைகள், சிவில் அமைப்புகள், கல்வியாளர்கள் மற்றும் பாதிக்கப்பட்ட மக்களிடமும் உள்ள தகவல்கள் யாவற்றையும் ஒன்றுபடுத்தி ஆராயக்கூடிய வகையில் விஸேட ஜனாதிபதி ஆணைக்குழுவை அமைத்துஅதற்கு ஜனாதிபதி மற்றும் பிரதமர் மட்டத்தில் கொள்கை வகுத்து செயற்படுவது மாத்திரமே வடபுல முஸ்லிம்களின் நிறைவான மீள்குடியேற்றத்திற்கு வழிவகுக்கும் என முன்னால் பாராளுமன்ற உறுப்பினர் சட்டத்தரணி ஹுனைஸ் பாறூக் வெளியிட்டுள்ள அறிக்கையில் குறிப்பிடப்பட்டுள்ளது. 

அந்த அறிக்கையில் மேலும் குறிப்பிடப்பட்டுள்ளதாவது:-

1990ஆம் ஆண்டு ஒக்டோபர் மாதத்தின் இறுதி வாரம் வடபுல முஸ்லிம்களின் வரலாற்றில் இருள் சூழ்ந்ததும் வாழ்நாளில் மறக்க முடியாததுமான ஒரு கால கட்டமாகும்.

ஒக்டோபர் 1990 எனது மாணவப் பருவம், பள்ளிவாசல் ஒலிபெருக்கியில் விடுதலைப் புலி உறுப்பினர்கள் மக்களை பள்ளிவாசலுக்கு அழைக்கிறார்கள். வீட்டில் இருக்கும் வாகனங்களை எடுத்துக் கொண்டு வீட்டிலுள்ள அத்தனை பேரும் அரைமணித்தியாள அவகாசத்தில் பள்ளிவாசலில் கூடுமாறு அழைப்பு விடுக்கப்படுகின்றது.

அங்கு சென்று பார்க்கும் போது அந்தந்த முஸ்லிம் கிராமப் பள்ளிவாசல்கள் மக்களால் வழிந்து நிரம்பிக்காணப்பட்டது. எமக்கு 24மணித்தியாள கால அவகாசம் வழங்கப்பட்டது. 24மணித்தியாளத்துக்குள் உடனடியாக வடபுலத்தை விட்டு வெளியேற வேண்டும். இது எமக்குப் போட்ட கட்டளை. தவரும் பட்சத்தில் உங்கள் உயிருக்கு எங்களால் உத்தரவாதம் தர முடியாது. ஆனால் நிபந்தனை, உங்களிடம் இருக்கும் வாகனம், பணம், பொருள் அத்தனையும் வடபுலத்துக்குச் சொந்தமானவை, எனவே அதனை விட்டுவிட்டுச் செல்ல வேண்டும் என்றனர்.

உயிர் தப்பினால் போதும் என்று சிலர் கால் நடையாக புத்தளம் இலவன்குளம் மன்னார் பாதை ஊடாகச் சென்றனர்.
இப்பாதையால் செல்லும் போது கரடிக்குழியைச் சேர்ந்த ஒரு குடும்பம் மிதிவெடியில் சிக்குண்டு கணவன் - மனைவி இருவரும் சிதறுண்டனர். இன்னும் பலர் இதில் காயப்பட்டனர். திரும்பிச் சென்றால் விடுதலைப்புலிகள் கொலை செய்து விடுவார்கள் என்ற அச்சத்தில் எஞ்சியவர்களும் புத்தளம் நோக்கி வந்தார்கள். மேலும் சிலர் கடல் வழியாக கல்பிட்டிக்குச் சென்றனர் இந்த காலத்தில் பலத்த  காற்றும் மலையும் பெய்ததால் கடலில் சிறுகுழந்தைகள் தவரி விழுந்து பரிதாபமாக உயிரிழந்த சந்தர்ப்பமும் உண்டு.

இந்நிலையில் அப்போது, ஐக்கிய தேசியக் கட்சி அரசாங்கம் நாட்டை ஆட்சி செய்து கொண்டிருந்தது, ஊர் பெரியார்கள் இரானுவத்தினரின் உதவியைக் கேட்டார்கள் இரானுவம் மக்களைப் பாதுகாப்பதையோ அல்லது வெளியேற்றதைத்தைத் தடுப்பதிலோ எந்த அக்கரையும் காட்டவில்லை என்பது வடபுல முஸ்லிம்களின் கசப்பான உண்மையாகும்.
மேலும் கடல் வழியாக தரைவழியாக செல்பவர்கள் விடுதலைப்புலி உறுப்பினர்களால் சோதனைக்கு உற்படுத்தப்பட்டே அனுப்பப்பட்டார்கள். 500ரூபாய்ப் பணம் மற்றும் பயணப்பை, இது தவிர மேலதிகப்பணம், தங்க ஆபரணங்கள் பலவந்தமாக சோதனைச் சாவடியில் பறிக்கப்பட்டன. கல்பிட்டிநோக்கி வள்ளத்தில் ஏறியவர்களிடம் உங்கள் கால்களில் உள்ள மண்ணைத் தட்டிவிட்டு ஏறுங்கள் இது தமிழ் ஈழத்துக்குச் சொந்தமான மண் என்று கூட கடமையில் இருந்த புலி உறுப்பினர்கள் சொன்னது இன்றும் வடபுல முஸ்லிம்களின் காதுகளுக்குள் ஒலித்துக் கொண்டிருக்கின்றன.

இவ்வாறு வெளியேற்றப்பட்ட முஸ்லிம்கள் புத்தளத்திலும் ஏனைய இடங்களிலும் சுமார் 160இற்கும் அதிகமான அகதி முகாம்களிலும் நண்பர்களின் வீடுகளிலும் தங்களது வாழ்நாளை மிகவும் கஸ்டம், துன்பத்துக்கு மத்தியில் 25 வருடங்களாகக் கழித்து வந்தனர்.
2009ஆம் ஆண்டு யுத்தம் முடிவுக்கு கொண்டுவரப்பட்டும் முஸ்லிம்களின் மீள்குடியேற்றத்தில் அப்போதைய அரசாங்கம் அக்கரை காட்டவில்லை. அதன் பின்னர் புத்தளத்தில் உள்ள உள்@ர் அரசியல் வாதிகள் சிலரின் அழுத்தம் காரணமாக அப்போதைய ஜனாதிபதி கட்டாயமாக வடபுல முஸ்லிம்கள் சொந்த இடங்களுக்குச் செல்ல வேண்டும் என்றும் அதுவரை அரசாங்கத்தாள் வழங்கப்பட்ட உலர் உணவுக்கான உதவிகளும் நிறுத்தப்பட்டன.

ஆனால் சொந்த மண்ணுக்கு மீள்குடியேற வேண்டும் என்ற ஆவலுடனும், அக்கரையுடனும் தங்களின் சொந்த இடங்களுக்கு முஸ்லிம்கள் திரும்பினார்கள். அங்குள்ள பிரதேச செயலகங்களில் தாங்கள் மீள்குடியேற விருப்பம் தெரிவிப்பதையும் தெரிவித்தனர். ஆனால் அங்கோ பல சவால்களுக்கு முகம் கொடுக்கக் கூடிய துர்ப்பாக்கிய நிலை இவர்களுக்கக் காத்துக் கொண்டிருந்தது. 
வடபுலத்திலுள்ள அரச இயக்கங்கள் (பெரும்பாலானோர்) முஸ்லிம்களின் மீள்குடியேற்றத்திற்கு மறைமுகமாக எதிராகச் செயற்பட்டனர். மேலும் சிலரது காணிகள் சிலகிராமங்கள் முற்றுமுழுதாக படையினர் ஆக்கிரமித்துள்ளனர். இன்னும் சிலரது கணிகள் விடுலைப்புலிகளின் காலத்தில் மாவீரர் குடும்பங்களுக்கு பகிர்ந்தளிக்கப்பட்டிருந்தன.  எஞ்சியிருக்கும் சிலரது காணிகள்கூட வாழ முடியாத அளவு காடுகளாகக் காணப்பட்டன. இன்னும் சில கிராமங்கள் வன திணைக்களத்தினால் 2012ம் ஆண்டு காடுகள் என பிரகடணப் படுத்தப் பட்டிருந்தன. 
மேலும் விலங்குப் பிரதேசம், யானைகள் செல்லும் பாதை என்று முஸ்லிம்கள் வெளியேற்றப்படும் போது அவர்களால் பயன்படுத்தப் பட்ட நிலங்களை அரச படைகள் வன திணைக்களம் வன விலங்குத் திணைக்களம் சுவீகரித்து இருந்தனர்.

இந்நிலையில் 20, 25 வருடங்களுக்குப்பின் மூன்று, நான்காக அதிகரித்த சனத்தொகையாகும். மீளக்குடியேறச் சென்ற மக்களுக்கு காணிப்பிரச்சினை பெரிய சவாலாக மாறியது. சன்னார், மறிச்சுக்கட்டி, முறிப்பு, முல்லைத்தீவு போன்ற இடங்களில் காணியற்ற முஸ்லிம்களுக்கு முiறைப்படி காணி வழங்கிய போது உள்ளுர் அரசியல் வாதிகள், ஏனைய அரசியல் இலாபம் தேடும் சிலர் அதற்கு முட்டுக்கட்டையாக செயற்பட்டனர். இதே போன்று உதவி வழங்கும் தனியார், வெளிநாட்டு நிறுவனங்கள் கூட உதவிகள் வழங்குவதில் முஸ்லிம்களுக்கு பாரபட்சம் காட்டத் தொடங்கினர். இதனால் விரக்தியடைந்த பல முஸ்லிம் குடும்பங்கள் வடபுலத்தை விட்டு மீண்டும் புத்தளத்தை நோக்கி வரத் தொடங்கியுள்ளனர். 
    முஸ்லிம்கள் உண்மையில் இனத்துக்காகத்தான் வெளியேற்றப்பட்டார்கள் என்பதில் எந்த சந்தேகமும் இல்லை. உள்நாட்டுக்குள் இனச்சுத்திகரிப்புக்கு உள்ளாக்கப்பட்ட ஒரு இனம் என்றால் அது வடபுல முஸ்லிம்கள் தான். 
மேலும் இவர்கள் பரம்பரை பரம்பரையாக தேடிய சொத்துக்கள், தோட்டங்கள் என்பன விடுதலைப்புலிகளால் பறிக்கப்பட்டு வாழ்விட உரிமை மறுக்கப்பட்டிருக்கின்றது. இந்நிகழ்வு இடம் பெற்று 25 ஆண்டுகளாகியும் இதற்கான எல்.எல்.ஆர்.சி போன்றவற்றின் அறிக்கையில் உள்ள சிபாரிசு கூட அரசாங்கத்தால் நிறைவேற்றப்படாமல் உள்ளது.
இன்று நல்லாட்சியைப் பற்றி நாடும், சர்வதேசமும் பேசிக் கொண்டிருக்கும் போது, வடபுல மஸ்லிம்களின் விடயத்தில் வடமாகாண சபை, இந்த அரசாங்கம் மற்றும் எதிர்கட்சியினர் காத்திரமான நடவடிக்கைகளை முன்னெடுக்க வேண்டும். வெறும் கலந்துரையாடல்கள், அறிக்கைகள், மேடைப் பேச்சுக்கள் காத்திரமான தீர்வை வடபுல முஸ்லிம்களுக்குப் பெற்றுத்தராது.

எனவே ஜனாதிபதி விஸேட ஆணைக்குழு ஒன்றை அமைத்து முஸ்லிம்களின் இழப்பீடுகள் மீள்குடியேற்றத்தில் எதிர் நோக்கும் சவால்கள் தொடர்பில் அரசியல் தலைமைகளிடமும், சிவில் அமைப்புகளிடமும், கல்வியாளர்களிடமும் மற்றும் பாதிக்கப்பட்ட மக்களிடமும் உள்ள தகவல்கள் யாவற்றையும் ஒன்றுபடுத்தி ஆராய்ந்து அதற்கு ஜனாதிபதி மற்றும் பிரதமர் மட்டத்தில் கொள்கை வகுத்து செயற்படுவது மாத்திரமே வடபுல முஸ்லிம்களின் நிறைவான மீள்குடியேற்றத்திற்கும், நிம்மதியான வாழ்க்கைக்கும் வழிகோலும் என்றும் அவரது அறிக்கையில் குறிப்பிடப்பட்டுள்ளது.

நிந்தவூரில் உலக நீரிழிவு தின விளிப்புணர்வு ஊர்வலம்


( ஏ.எல்.ஏ.றபீக் பிர்தௌஸ் )
உலக  நீரிழிவு தினத்தை முன்னிட்டு 14.11.2015 மாபெரும் விழிப்புணர்வு ஊர்வலமொன்று நிந்தவூரில் இடம் பெற்றது.




நிந்தவூர் ஆதார வைத்தியசாலை வைத்திய அத்தியேட்சகர் திருமதி. சஹிலா இஸ்ஸதீன் தலைமையில் இடம் பெற்ற இவ்வூர்வலத்தில் சுகாதார பிரதியமைச்சர் எம்.சீ.பைசால் காசீமும் இணைந்து ஒத்துழைப்பு வழங்கினார்.

நிந்தவூர் அல்-அஸ்றக் தேசியக் கல்லூரி மாணவர்களின் ஆதரவுடன் நிந்தவூர் ஆதார வைத்தியசாலை உத்தியோகத்தர்கள் ஏற்பாடு செய்த இவ்வூர்வலம் காலை 10 மணியளவில் நிந்தவூர் அல்-அஸ்றக் தேசியக் கல்லூரியிலிருந்து கல்முனை – அக்கரைப்பற்று பிரதான வீதிவழியே பயணித்து, இறுதியில் நிந்தவூர் பிரதேச செயலகத்தில் முடிவுற்றது.

உள்ளுராட்சி தேர்தல்களின்போது, சுதந்திரக் கட்சிக்கு மைத்திரி தலைமை

எதிர்வரும் உள்ளுராட்சி தேர்தல்களின்போது ஸ்ரீலங்கா சுதந்திரக் கட்சியின் பிரச்சார நடவடிக்கைகளிற்கு ஜனாதிபதியே தலைமை தாங்குவார் என ஐக்கிய மக்கள் சுதந்திர கூட்டமைப்பு நாடாளுமன்ற உறுப்பினர் பிரசன்ன ரணதுங்க தெரிவித்துள்ளார்.

ஜனாதிபதியிடம் உள்ளுராட்சி தேர்தல் பிரச்சார நடவடிக்கைள் குறித்து கேள்வி எழுப்பிய ஸ்ரீலங்கா சுதந்திரக்கட்சி நாடாளுமன்ற உறுப்பினர்களிடம் இதனை தெரிவித்ததாக அவர் குறிப்பிட்டுள்ளார்.

முன்னாள் ஜனாதிபதி மகிந்தராஜபக்ச கட்சியிலிருந்து விலகி இன்னொரு அரசியல் கூட்டணிக்கு ஆதரவளிக்கமாட்டார், அவர் ஜனாதிபதி சிறிசேன பிரச்சாரத்திற்கு தலைமை தாங்க  அனுமதிப்பார் எனவும் பிரசன்ன ரணதுங்க தெரிவித்துள்ளார்.

ஐக்கிய மக்கள் சுதந்திரக்கூட்டமைப்பில் அங்கம் வகிக்கும் சிறிய கட்சிகளின் ஆதரவு இல்லாமல் ஸ்ரீலங்கா சுதந்திரக்கட்சி தனித்து போட்டியிடும் என்ற ஊகங்கள் காணப்படுவது குறிப்பிடத்தக்கது

முதல் 10 இடங்களில் எந்தவொரு தமிழ் மொழிமூல மாணவர்களும் இல்லை

2015 ஆகஸ்ட் 23 ஆம் திகதி நடைபெற்ற ஐந்தாம் ஆண்டு புலமைப்   பரிசில் பரீட்சைப் பெறுபேறுகளின் அடிப்படையில் அகில    இலங்கையில், இம்முறை மூன்று மாணவர்கள் முதலிடத்தைப் பெற்றுள்ளனர். 

அதன்படி முதலிடத்தைப் பெற்ற மாணவர்கள் :- 

W I S கவிந்தா உனன் தென்ன - ம/கங்க சிறிபுர வித்தியாலயம், கம்பளை 

R WM கவிஷ்க வணிகசேகர - கெ/மாக்குர ஆரம்ப பாடசாலை-மல்மடுவ 

P V L மெலனி விஜயசிங்க - கெ/ஸ்ரீ சுமங்கல கனிஷ்ட வித்தியாலயம், உசஸ்பிட்டிய,  இம்மாணவர்கள் 196 புள்ளிகளைப் பெற்று முதலிடத்தைப் பெற்றுள்ளனர்.

அதேவேளை,

 T M ஓஷாணி ஹசினிகா கயாஷானி- குளி/உடுபத்தாவ தம்மானந்த மகா வித்தியாலயம்,உடுப்பத்தாவ 

G K தரிந்தியா கொரி பெரேரா   -  கம்/ஹிரிப்பிட்டிய ஆரம்பப் பாடசாலை,வெயங்கொட

N நிஹார மதுஹன்ச - கம்/ களனிய  ஜனாதிபதி வித்தியாலயம்,மகர,கடவத்த 

P . M .விஸ்வபத்திராஜா  - ஹோ/பஹத்கம ரோமன் கத்தோலிக்க கனிஷ்ட வித்தியாலயம்,ஹங்வெல்ல

வ.A . துலாஜ் நெதுல் விஜயசேகர - கம்/உடுபில ஆரம்பப் பாடசாலை தெல்கொட  ஆகியோர் 195 புள்ளிகளைப் பெற்று இரண்டாம் இடத்தைப் பெற்றுள்ளனர்.

K . G .சவிந்து அமான் -  கா/ஸ்ரீ தம்ப வித்தியாலயம்,லுபுதுவ்வ, அக்மீமன 

A .G .கமிந்து சஸ்மித, கா/P D S குலரத்ன,கனிஷ்ட வித்தியாலயம், பெனியன,அம்பலாங்கொட  

A P C சஞ்சன் அபே தீர, ஹ/தங்கல்ல ஆதார் கனிஷ்ட வித்தியாலயம்,கதுருகொகுனபார ,தங்கல்ல ஆகிய மாணவர்கள் 194 புள்ளிகளைப் பெற்று மூன்றாம் இடத்தைப் பெற்றுள்ளனர்.

முதல் பத்து இடங்களில் எந்தவொரு தமிழ் மொழி மூல  மாணவர்களும் தெரிவாகாமை இங்கு குறிப்பிடத்தக்கது

சிரேஷ்ட சட்டத்தரணி முஸ்தபா அவர்கள் மு.கா தலைமையிடம் அமைச்சுக் கோரிக்கையினை முன் வைத்தார்..!!


கடந்த ஒரு தசாப்த காலமாக சம்மாந்துறை மக்கள் இழந்து தவித்த  பாராளுமன்றப் பிரதிநிதித்துவமானது இம் முறை மன்சூரின் மூலமாக நிவர்த்தி செய்யப்பட்டுள்ளது.இம் முறை பாராளுமன்றத்திற்கு தெரிவு செய்யப்பட்ட மன்சூர் அவர்களினை அம்பாறையில் இருந்து பெருந் திரளான சம்மாந்துறை மக்கள் ஊர் வலமாக அழைத்து வந்து தங்களது மகிழ்ச்சியினை வெளிப்படுத்தி இருந்தனர்.இதன் போது  சம்மாந்துறை பத்ர் ஜும்மா பள்ளிவாயலில் விசேட துஆ பிராத்தனை நிகழ்வும் ஏற்பாடு செய்யப்பட்டிருந்தது.

இந் நிகழ்வில் மௌலவி றம்சின் காரியப்பர் அவர்களினைத் தொடர்ந்து உரையாற்றிய சிரேஷ்ட சட்டத்தரணியும்,மு.கா உயர்பீட உறுப்பினரும்,முன்னாள் சம்மாந்துறை பிரதேச சபை எதிர் கட்சித் தலைவருமான முஸ்தபா அவர்கள், வெற்றி வியூகம் வகுத்து சம்மாந்துறை பாராளுமன்ற பிரதிநிதித்துவத்தினை இலகுவாக பெற்றுக் கொள்ள வழி வகை செய்த மு.கா தலைமைக்கும்,மு.கா தலைமையின் வெற்றி வியூகத்தினை ஏற்று அதன் பின்னால் அணிதிரண்டு வாக்களித்த மக்களுக்கும் தனது நன்றியினைத் தெரிவித்ததோடு இத் தேர்தலில் தெரிவாகிய மூன்று உறுப்பினர்களுக்கும் தனது வாழ்த்தினையும் தனது உரையின் ஆரம்பத்தில் தெரிவித்துக் கொண்டார்.

இவர் தொடர்ந்தும் உரையாற்றுகையில் சம்மாந்துறை ஊரானது மிகப் பெரிய சனத் தொகையினைக் கொண்ட ஊர் என்பதனாலும்,சம்மாந்துறை மக்கள் கடந்த ஒரு தசாப்த காலமாக தங்களது பாராளுமன்ற பிரதிநிதித்துவத்தினை இழந்திருப்பதனாலும் அதீத தேவைப் பாடுகளுடன் உள்ளனர்.இத் தேவைகள் அனைத்தினையும் ஒரு பாராளுமன்ற உறுப்பினர் பதவியின் மூலம் ஒரு குறுகிய காலப்பகுதியினுள் அமைச்சர் மன்சூரினால் நிறைவேற்றிக் கொடுப்பது மிகவும் சிரமமானது.முஸ்லிம் காங்கிரஸிற்கு கிடைக்கச் சாத்தியமா இராஜாங்க அமைச்சினையோ அல்லது பிரதி அமைச்சினையோ மன்சூறிற்கு வழங்கினால் அவர் இம் மக்களின் தேவைகள் அனைத்தினையும் நிறைவேற்றிக் கொடுப்பதற்கு அப் பதவி மிகவும் உறுதுணையாக அமையும்.

கடந்த 2012ம் ஆண்டு நடைபெற்ற மாகாண சபைத் தேர்தலில் தெரிவான  மன்சூரிற்கு அமைச்சுப் பதவியினை பெற்றுக் கொடுப்பதில் நான் என்னாலான சிரத்தையினை எடுத்திருந்தேன்.எனது இம் முயற்சிக்கு எமது சம்மாந்துறை மக்கள் போதியளவு ஒத்துழைப்பு வழங்கி இருந்தனர்.அதிலும் குறிப்பாக அலியார் ஹசறத் அவர்களின் ஒத்துழைப்பு மறக்க முடியாத ஒன்று எனலாம்.அதே போன்று நாம் இவ் விடயத்திலும் ஒன்று பட்டு செயற்பட வேண்டும்.சம்மாந்துறை மக்களினதும்,சம்மாந்துறையின் முப் பெரும் சபைகளின் ஒத்துழைப்போடும் மன்சூரிற்கு அமைச்சினையோ அல்லது பிரதி அமைச்சினையோ பெற்றுக் கொடுப்பதில் என்னாலான முயற்சிகளில் ஈடுபடுவேன் என்பதை கூறிக் கொள்கிறேன்.

மு.கா தலைமையிடம் சம்மாந்துறை மக்களின் அளப் பெரிய தேவையினை நிறைவேற்றிக் கொள்ள பாராளுமன்றம் தெரிவாகியுள்ள மன்சூரிற்கு இராஜாங்க அமைச்சினையோ அல்லது பிரதி அமைச்சினையோ வழங்க வேண்டும் என்ற கோரிக்கையினை நான் இவ்விடத்தில் சம்மாந்துறை மக்கள் சார்பாக முன் வைக்கின்றேன்.முஸ்லிம் காங்கிரசிற்கு கிடைக்கச் சாத்தியமான அமைச்சு,பிரதி அமைச்சுக்களினை யாருக்கு வழங்குவது? என்பதன் சாதக பாதகங்களினை ஆராயும் போது சம்மாந்துறை மக்களின் தேவைகளுக்கு முன்னுரிமை வழங்கி மன்சூரிற்கு அமைச்சினை அல்லது பிரதி அமைச்சினை வழங்கும் என தான் நம்புவதாகவும் கூறி தனது உரையினை நிறைவு செய்தார்.

ஏ.கே மிஸ்பாஹுல் ஹக்
சம்மாந்துறை.

இனவாதத்தின் பரிசு


கடந்த காலங்களில் ஒற்றுமையாக வாழ்ந்த சிங்கள-முஸ்லிம் முஸ்லிம் மக்களிடையே ஞானசார என்னும் திடீர்  புயல் வந்ததால் பல்லின மக்கள் ஒன்றாக பழகும் பொது இடங்கள், அலுவலகங்கள் மற்றும்  பல்கலைகழகம் போன்ற  இடங்களில்  சிங்கள-முஸ்லிம் மக்கள் ஒருவருக்கொருவர் விரோதியை போல் பார்க்க ஆரம்பித்தனர்.

இதெற்கெல்லாம் காரணம், இன துவேசத்தை சிங்களவர்கள் மத்தியில் விதைத்து, ஹலாலை நிறுத்தி அதன் மூலம் தான் சிங்கள மக்களின் கதாநாயகன் என்று வலம் வந்த இந்த ஞானசாரவின்  செயற்பாடுகள் தான். மேலும்  பள்ளிவாசல்கள், வியாபார தலங்கள் என்று அனைத்திலும் பகிரங்கமாகவே முஸ்லிம்களுக்கு எதிராக தனது அராஜகத்தை அரங்கேற்றி வந்தார். இதனைத் தொடர்ந்து, அழுத்கமையில் இனவாத பேச்சால் சிங்களவர்களை தூண்டி கோர தாண்டவமாடி பல கோடி  ரூபா சொத்துகளை எரித்து சில  மனித உயிர்களையும் கொல்ல வழிசமைத்தார் 

இதெற்கெல்லாம் கடந்த அரசாங்கம் எந்த சட்ட நடவடிக்கை எடுக்காமல் அரசு ஆதரவு கொடுத்த காரணத்தால் இன்னும் அகந்தையுடன் மீண்டும் மீண்டும் முஸ்லிம் சமூகத்துக்கு ஹிஜாப், மாடறுப்பு  என்று  நாளாந்தம் இடையூறு கொடுத்தவண்ணமே  இருந்தார். 

நாளடைவில் நான் தான் சிங்கள மக்களின் "உரிமைக் காவலன்"என்று அவரே எண்ணி அவரின் மதிப்பை கூடுதலாக எடைபோட்டு   பொது பல சேனா என்று அமைப்பை ஒரு அரசியல் கட்சியாக பதிவு செய்து பாராளுமன்றத்துக்கு தெரிவாகி இன்னும் தனது அதிகாரத்தை தொடரலாம் என்ற ஒரு நப்பாசையுடன் தேர்தலில் போட்டியிட்டார்.

ஆனால், இந்த பாராளுமன்ற தேர்தலில் சிங்கள சமூகம் இவரின் இனவாத செயற்பாட்டுக்கு தங்கள் அதிருப்தியை வெளிபடுத்தி தேர்தலில் இவரை ஓரம்கட்டி, நீ ஒரு மனநோயாளி சமூகத்தை கூறுபோடுபவன் என்று  நிரூபித்து தகுந்த பாடம் புகட்டியுள்ளனர். 

இது இனவாதம் பேசும் ஒவ்வொருவருக்கும் பாடமாக அமையும் என்றது எந்த வித ஐயமும் இல்லை. "அல்லாஹ் போதுமானவன்"

 
எம்.பி. முஹம்மட் ரிஷாட் 
 (சமாந்துறை)

வினோதம்

Comments

அறிவியல்

தொழில்நுட்பம்

 

© Copyright Sammanthurai News 2015| Design by | Published by www.sammanthurai.net | .