ad

ad
<தற்போது கிடைத்த செய்தி>>> சம்மாந்துறை மண்ணின் கலை,கலாசாரம்,பாரம்பரியம்,பண்பாடு வாழ்க்கை முறைகளை பிரதிபலிக்கும் சம்மாந்துறை மண்ணின் இணையத்தளம்.www.sammanthurai.net
Blogger Tips and TricksLatest Tips And TricksBlogger Tricks

இரத்ததான முகாம்


(எம்.ரீ.எம். பர்ஹான்)
MYSDA அமைப்பின் ஏற்பாட்டிலும் இலங்கை செஞ்சிலுவை சங்கத்தின் அனுசரனையிலும் இரத்த தான முகாம் ஒன்று இன்று சம்மாந்ததுறை அப்துல் மஜீட் மண்டபத்தில் சமூக சேவகர் தேசமானிய எம்.எம். சமீர் தலைமையில் இடம் பெற்றது.

blood donations

இந் நிகழ்வில் சம்மாந்துறை அன்வர் இஸ்மாயில் ஆதார வைத்தியசாலை, கல்முனை அஸ்ரப் ஞபாகார்த்த வைத்தியசாலை, கல்முனை வடக்கு தள வைத்தியசாலை, அம்பாறை மத்திய வைத்தியசாலை வைத்தியர்கள் மற்றும் வைத்திய உதவியாளர்கள் கலந்து கொண்டமை குறிப்பிடத்தக்க விடயமாகும்.
இன் நிகழ்வில் கலந்து கொண்ட வைத்தியர்களான எம்.ஐ.சிறாஜ் மற்றும் என்.றமேஷ் அவர்களுக்கும் இரத்ததானம் செய்த அனைவருக்கும் அமைப்பின் தலைவர் ஏ.எல்.எம்.நிப்றாஸ் அவர்கள் தனது நன்றிகளை தெரிவித்துக் கொண்டார்.

ஒளிரும் மலை

மலை என்றாலே அதிசயம், அதிலும் ஒளிரும் மலை என்றாலே அபூர்வம் தானே.
வடக்கு கரோலினா பகுதியில் உள்ள "பிரவுன் மவுண்டென்" என்ற மலை தான் இரவு நேரத்தில் ஒளிர்கிறதாம்.
நூற்றாண்டுகளாகவே இந்த அதிசயம் நிகழ்வதாகவும் கூறப்படுகிறது, மலைப் பகுதியில் பந்து போன்ற ஒளி தெரிவதும், பிறகு மத்தாப்பு போலச் சிதறுவதுமாகச் சில விநாடிகள் நீடிப்பதைக் காண மக்கள் கூட்டம் கூடுகிறது.
பெரும்பாலும் ஊதா, பிரவுன் வண்ணங்களில் தோன்றுவது வாடிக்கை. சில நேரங்களில் பச்சை,மஞ்சள், சிவப்பு எனப் பிற நிறங்களிலும் மலை ஒளிரும்.
சில சமயங்களில் முழு நிலவு போன்ற வடிவில் இந்த மலை ஜொலிக்கவும் செய்கிறது என்கிறார்கள் அங்கு வாழும் மக்கள்.
இதற்கான உண்மை இன்றும் புலப்படாமலேயே உள்ளது, எனவே பேய் இருப்பதாகவும், வேற்றுக் கிரகவாசிகள் வசிப்பதாகவும் பல கட்டுக் கதைகளும் உலா வருகின்றன.



நோன்புப்பெருநாள் தொழுகை

(பர்ஹான்) ஸ்ரீலங்கா தவ்ஹீத் ஜமாஅத்தின் சம்மாந்துறைக் கிளையினால் ஏற்பாடு செய்யப்பட்ட புனித நோன்புப் பெருநாள் தொழுகை பெருநாள் தினத்தன்று காலை 6.30மணியளவில் அம்பாரை பிரதான வீதியிலுள்ள அஷரபா வட்டை திறந்த வெளி மைதானத்தில் நடைபெற்றது.




பள்ளிவாசல் நிருவாக உறுப்பினர்களுடனான கலந்துரையாடல்.

பலரது விமர்சனங்களுக்குள்ளான சம்மாந்துறை மற்றுமொரு அரசில் பிரவேசம் யூ.நபீர் (21.07.14) அஷர் தொழுகையை தொடரந்து சம்மாந்துறை சின்னப்பள்ளிவாசலுக்கு வருகைதந்து பள்ளிவாசல் நிருவாக குழு உறுப்பினர்களுடன் கலந்துரையாடியதுடன் அங்குள்ள குறை நிறைகளை கேட்டுயிருந்தார்.

“காமரி முதல் கிராம நிலதாரி வரை”வரலாற்று ஆய்வு நூல் வெளியீட்டு நிகழ்வு.

எதிர்வரும் 2014-04-19ம் திகதி சம்மாந்துறை அப்துல் மஜீத் மண்டபாத்தில், சம்மாந்துறையில் பிறந்து விதானையாக கடமையாற்றி மரணித்தவர்களும், ஓய்வுபெற்றவர்களும்,தற்போது சேவையிலுள்ளவர்களதும் அவர்கள் ஊருக்கு ஆற்றிய பணிகளை கௌரவிக்கும் முகமாகவும் அவர்களது வரலாற்றினை ஆய்வுக்குட்படுத்தி “காமரி முதல் கிராம நிலதாரி வரை” எனும் பெயரில் சம்மாந்துறை பிரதேச செயலக கிராம உத்தியோகத்தர்
நலன்புரிச்சங்கத்தினால் வெளியீட்டு வைக்கப்படவுள்ளது.

இந்த நூலினை ஓய்வுபெற்ற நிருவாக கிராம உத்தியோகத்தர் அல் ஹாஜ் எம்.எம்.சலீம் ஜே.பீ. தொகுத்து எழுதியுள்ளார்.

2014-04-19ம் திகதி சனிக்கிழமை மாலை 3.30 மணியளவில் இடம்பெறவுள்ள இந்நிகழ்வுக்கு பிரதம அதிதியாக கௌரவ உள்ளுராட்சி மாகாணசபைகள் அமைச்சர் ஏ.எல்.எம்.அதாவுல்லாஹ் அவர்களும் கௌரவ அதிதிகளாக கிழக்கு மாகாண சுகாதார சுதேசிய வைத்தியத்துறை அமைச்சர் கௌரவ எம்.ஐ.எம்.மன்சூர் அவர்களும் கிழக்கு மாகாணசபை உறுப்பினர் எம்.எல்.அமீர் அவர்களும் சம்மாந்துறை பிரதேசசபை தவிசாளர் ஏ.எம்.எம். நௌசாட் அவர்களுடன் சிறப்பு அதிதிகளாக அம்பாறை மாவட்ட அரசாங்க அதிபர் திரு நீல் டீ அல்விஸ் அவர்களும் அம்பாறை மாவட்ட உதவி அரசாங்க அதிபார் திரு கே. விமலநாதன் அவர்களும் சம்மாந்துறை பிரதேச செயலாளர் ஏ.மன்சூர் அவர்களும் சம்மாந்துறை உதவி பிரதேச செயலாளர் ஏ.எல்.லத்தீப் அவர்களும் கலந்து கொள்வதுடன் அதிதிகளாக சம்மாந்துறை நம்பிக்கயாளர்சபை தலைவர் வைத்தியர் எம்.வை.எம்.முஸ்தபா அவர்களும் வீரமுனை ஸ்ரீ சித்தாயாத்தியை பிள்ளையார் ஆலய தலைவர் ஜீ.இராஜகோபாலபிள்ளை ஆகியோரும் கலந்து சிறப்பிக்க உள்ளனர்.

மத்திய கிழக்கிலிருந்து விடுமுறையில் வந்திருந்த சாய்ந்தமருது இளைஞர் விபத்தில் உயிரிழந்தார்!

(15.04.2014) அக்கரைப்பற்று பொலிஸ் பிரிவிற்கு உட்பட்ட அட்டாளைச்சேனையில் புத்தாண்டு தினமான  நேற்று திங்கட்கிழமை இடம்பெற்ற மோட்டார் சைக்கிள் விபத்தின்போது இளைஞர் ஒருவர் பலியாகியுள்ளார்.




சாய்ந்தமருதைச் சேர்ந்த 28 வயதுடைய இளைஞர் தனது நண்பருடன் கல்முனையிலிருந்து அக்கரைப்பற்று நோக்கிப் பயணித்துக் கொண்டிருந்தபோது அட்டாளைச்சேனை மீனோடைக்கட்டு பிரதேசத்திலேயே இவ்விபத்து இடம்பெற்றுள்ளது. வேகக் கட்டுப்பாட்டை இழந்த நிலையில் மோட்டார் சைக்கிள் பாதையோரம் இருந்த மின்கம்பத்தில் மோதுண்டதாலேயே இந்த அனர்த்தம் நிகழந்துள்ளதாகத் தெரிவிக்கப்படுகிறது.

மோட்டார் சைக்கிளைச் செலுத்தி வந்த இளைஞரே விபத்தின்போது பலியானார். விபத்தில் பலியானவர் சாய்ந்தமருது-16, ஆலிம் வீதி, ஏ.எம்.சாஜஹான் வீதியைச் சேர்நத எம்.றஸான் என்பவராவார். இவர் தொழில்  நிமித்தம் மத்திய கிழக்கு நாடொன்றில் தொழில் புரிந்து விட்டு விடுமுறையில் வந்த நிலையிலேயே இவ்விபத்து இடம்பெற்றுள்ளது.

மோட்டார் சைக்கிளின் பின் இருக்கையில் பயணித்த அவரது நண்பர் சிறுகாயங்களுடன் தெய்வாதீனமாக உயிர் தப்பியுள்ளமை குறிப்பிடத்தக்கது.

கல்முனையில் நேருக்கு நேர் இரண்டு பஸ்கள் மோதி விபத்து.


கல்முனை அக்கரைப்பற்று பிரதான வீதியில், கல்முனைக்குடி ஜூம்ஆ பள்ளிவாயலுக்கு முன்னால் அதிகாலை (13) ஞாயிற்றுக்கிழமை 3.30 மணியளவில் பாரிய வீதிவிபத்தொன்று இடம்பெற்றுள்ளது. 

இவ்விபத்தில் சாய்ந்தமருதை சேர்ந்த தமீம் என்பவரின் மனைவி உட்பட அக்கரைப்பற்ரை சேர்ந்த பெண் ஒருவரும் ஸ்தலத்திலேயே மரணித்ததாகவும் கொழும்பை சேர்ந்த ஒருவர் அஷ்ரப் ஞாபகார்த்த வைத்தியசாலையில் விசேட சிகிச்சைப் பிரிவில் அனுமதிக்கப்பட்டு சிகிச்சை பலனின்றி காலமானதாகவும் சுமார் 20 க்கு மேற்பட்டோர் காயங்களுடன் வைத்தியசாலையில் அனுமதிக்கப்பட்டுள்ளதாகவும் வைத்தியசாலை தகவல்கள் தெரிவிக்கின்றன

கொழும்பிலிருந்து அக்கரைப்பற்று நோக்கிச் சென்று கொண்டிருந்த சொகுசு பஸ் ஒன்றும், கல்முனை வவுனியா லேலன்ட் பஸ் ஒன்றுமே நேருக்கு நேர் மோதிக்கொண்டது. 

மேற்படி விபத்தில் இரு பஸ்களும் முன்பகுதி முற்றாக சேதமடைந்த நிலையில் உள்ளதுடன் கல்முனை வவுனியா லேலன்ட் பஸ்ஸில் சாரதியின் இருக்கைக்கு அருகில் மதுபானத்துடனான போத்தலும் காணப்பட்டது. மதுபோதையில் அந்த பஸ் சாரதி பயணம் மேற்கொண்டிருக்கலாம் என கல்முனை பொலிஸார் சந்தேகம் தெரிவிக்கின்றனர்.

ஸ்தலத்திற்கு விரைந்த கல்முனை பொலிஸ் நிலைய பொறுப்பதிகாரி ஏ.டப்ளியு.எம். கப்பார் உள்ளிட்ட குழுவினர் மேலதிக விசாரணைகளை மேற்கொண்டு வருகின்றனர்.








மழைவேண்டி தொழுதலும் பிராத்தித்தலும்.

சம்மாந்துறை ஜம்மியத்துல் உலமாவின் ஏற்பாட்டில் நாட்டில் மழைவேண்டி விஷேட தொழுகையும் துஆ பிராத்தனையும் 12.04.2014  சம்மாந்துறை முஸ்லிம் மத்திய வித்தியாலயத்தின் மைதானத்தில் காலை 6.30 மணியளவில் இடம்பெற்றது. இதில் பெருமளவான ஆண்கள்,பெண்கள் சிறுவர்கள், இளைஞ்ஞர்கள் மற்றும் முதியோர்கள் என பலரும் கண்ணீர் மல்கி துஆ பிராத்தனையில் ஈடுபட்டனர்.

தொழுகையை தொடர்ந்து விஷேட குத்பா பிரசங்கம் இடம்பெற்றமை குறிப்பிடத்தக்கது.





சம்பியனானது கியு.எம்.எஸ்

(10.07.2014) சம்மாந்துறை தொழில்நுட்ப கல்லூரியின் இல்ல விளையாட்டு போட்டின் 1ஆம் இடத்தை கியு.எம்.எஸ் இல்லம்  முதல் இடத்தை பெற்று வெற்றிக் கிண்ணத்தை கைப்பற்றி சம்பியனானது. இரண்டாம் இடத்தை ஜ.எஸ்.ஒ,மூன்றாம் இடத்தை என்.வீ.கியு இல்லம் பெற்றது.
















சம்மாந்துறை முஸ்லிம் மத்திய மகா வித்தியாலயத்தில் 9 A, சித்தி பெற்ற மூன்று மாணவர்கள்


சம்மாந்துறை முஸ்லிம் மத்திய மகா வித்தியாலயத்தில் இம்முறை கல்விப் பொதுத் தராதர சாதாரன தர பரீட்சை முடிவுகளின்படி-2013,
 03 மாணவர்கள் 9 ஏ சித்திகளை பெற்றுள்ளனர்.

01.A.J.A.Abrar Ahnaf
02.S.M.Ijjath Mohamed
03. R.F.Nusha







சம்மாந்துறை தொழில்நுட்ப கல்லூரியின் இல்ல விளையாட்டு போட்டியின் 3ஆவது நாள்.

சம்மாந்துறை தொழில்நுட்ப கல்லூரியின் இல்ல விளையாட்டு போட்டியின் சிறப்பாக 3ஆவது நாள் நிகழ்வு கல்லாரியின் மைதானத்தில் கல்லூரியின் முதல்வர் அசீஸ் தலைமையிலும் பிரதிஅதிபர் கையூம் நெறிப்படுத்தலில் இடம்பெற்றது.



source photos by: battinews dot com



 
Support : | Special Design:AR.S | Saji.Template
Copyright © 2012. Sammanthurai News - All Rights Reserved
AR.S Template